Блогтар

Жеңіске 50 жыл болғанда ауылдағы әкімшіліктің адамдары апама арнайы келіп құттықтап медаль тақты. Сол кезде апамның (папамның анасы) көзіне еріксіз жас келді. 95 жылдың мамыр айы болатын. Біз ол кезде баламыз, апам неге жылады деп түсінбедік. Бірде ауылға барғанымда сол медальға көзім түсті, қарасам "Тылда еткен еңбегі үшін" деп жазылыпты. Кейіннен сұрап білдім,соғыс жылдарында апам Гүлбаршын Баубекқызы тылда еңбек еткен екен. Ол кезде жұмысты әйел немесе ер істесін деп ешкім бөлген жоқ қой, бәрінің мақсаты жұмысты тездетіп тапсыру болған. Апам көзі тірісінде сол кездегі қиын күндерді еске алып айтып отырады екен, ойын баласы құлаққа ілмеппіз. Енді қазір ойлап отырсам, ол кісінің де өмірде өшпестей ізі қалған екен. Өз елі, өз жері, өз отаны үшін аянбады. Біз оны ұмытпаймыз, біз онымен мақтанамыз! Алла жатқан жерін жайлы, топырағын торқа қылсын!

 Бұл айтулы күн еліміздің әрбір азаматы үшін маңызын ешуақытта жоғалтпайтын күн! Отан үшін отқа түсіп, өзінен кейінгі ұрпақ алдындағы азаматтық борышын өтеген барша ардагер апаларымыз бен аталарымызды мерекемен құттықтаймын! Ауырмаңыздар, қартаймаңыздар, Алла алдарыңыздан жарылқасын! Біз сіздердің ерліктеріңзді ұмытпаймыз, ұмыттырмаймыз да! Сіздер біз үшін үлгісіздер! Тағы да Мерекелеріңізбен!

әрі қарай→

1-"Twitter" маған керек пе? 2-әлде мен "Twitterge" керекпін бе? Сіздер қалай ойлайсыздар? әрі қарай→

әрі қарай→

"Қара тізім" деген сөзді тырнақшада жазайын, әйтпесе жұрт дұрыс түсінбей қалар. Бұл нәрсе кез-келген арнада бар. Өз басым көбіне әртістерге кешіріммен қарап, жасаған түсініксіз тірліктерін кешіре салатынмын. Бірақ бұл жолы мен шақырған қонақтарымыздың әрекетін ұға алмадым. Сөйттім де "Жарайсың" бағдарламасының түсірліміне атүсті қараған әртістерді қара тізімге енгізу туралы шешім қабылдадым, шығапрмашылық топпен кеңесе келе. Өткен аптада студиямызға танымал актриса Лидия Кәденова келу керек болатын, (мерейтойын ескеріп, халық алдындағы өнерін бағалап! шақырғанбыз) келмеді. Ал, кешегі түсірілімде Тоқтар мен Бейбіт те бізді дәл осындай жағдайға тап қылды. Редакторлар алдын-ала қоңырау шалып келіскен, олар уәде берген, сценарийст сценарий жазған, нәтижесінде "Жұлдыздар" мынау тұрған "Хабардың" студиясына жете алмай қалды. Айтпақшы, 22-наурызда эфирге шыққан бағдарламаға Жанар Айжанова келу керек болатын, ол апамызды да ұшты-күйлі жоғалтып алдық. Қанша рет қоңырау шалдық, телефонын көтермеді. Егер бұл кісілерді эфирден көргілеріңіз келіп, бірақ көре алмай жүрсеңіздер, бізге ренжімеңіздер. Бағдарлама ұжымын ыңғайсыз жағдайға тап қылған өнер адамдарын екінші рет студиямызға шақырып, "аузымызды күйдіргіміз" келмейді. Қайта Ресейден қайырымдылық кешін тегін жүргізуге келген "Мисс Россия-2003", тележүргізуші Виктория Лопыреваға рахмет! Бір ауыз айтқан ұсынысымызды бірден қабыл алып, айтқан уақытында түсірілімге қатысып, алғысын айтып кетті!

Эксклюзивті сұхбат, 16.04.2012, кешкі сағат 20.10да!
әрі қарай→

"Мемлекеттік Раміздерімізді оз паракшамызга жуктеп кояйык! Білмейтіндер білсін, казак деген елдін бар екенін жане олардын мемлекеттік раміздері мынадай екенін! Біресе Елтанбаны кошіріп алады, біресе Ануранды шатастырып алады! Патриот болсаныздар, аркайсымыз озімізден бастайык! Асхат Садырбай!" -осы мәтінмен бүгіннен бастап өзімнің әлеуметтік желілерімде жастарға, ғаламтор қолданушыларына, достарға ұсыныс тастадым! Өз ұлтын сүйетін, өз мемлекетінің рәміздерін құрметтейтін азаматтар қолдайды деп ойлаймын! Қысқаша мәтінді орысша әріптермен жазбасам көп жерде қазақша әріптер оқылмайды...Ал, жаңағы нәрселер менің жаныма батады, сіздің ше?


әрі қарай→